Буянт-Ухаа орчмын 2016.06.27-07.04 -ыг хүртэлх

цаг агаарын урьдчилсан төлөв

Үзэгдэл : 29,01-нд үүлэрхэг, бороо орно. Бусад хугацаанд өдөртөө үүл хөгжиж түр зуурын дуу цахилгаантай бороо орно.

Салхи : 27-с 30-ны өдрүүдэд хойно баруун хойноосоо 5-8м/с. Бусад хугацаанд тогтворгүй чиглэлээсээ 1-4м/с. Борооны үеэр тогтворгүй чиглэлийн 8-10м/с хүрч үе үе ширүүснэ.

Температур : Ихэнхи хугацаанд өдөртөө 20-22 градус шөнөдөө 10-12 градус, 02-с дулаарч өдөртөө 27-29 градус дулаан шөнөдөө 14-16 градус дулаан.

Нислэгт аюултай цаг агаарын үзэгдэл: 27-30-нд нутгийн зүүн хагаст дунд хүчтэй сэгсрэлттэй, ихэнх хугацаанд өдөртөө борооны бөөн үүл хөгжинө, үүл цахилгааны байдалтай байна.

 

2016.06.27-07.04-г хүртэлх

7 хоногийн цаг агаарын урьдчилсан мэдээ

\ Ихэнх хугацаанд бороо орж сэрүүн байна \

Баруун аймгуудын нутгаар : 29-нд зарим газраар 27,30-нд нутгийн зүүн хэсгээр, 2-3-нд нутгийн хойд хэсгээр түр зуурын бороо орно. Дуу цахилгаантай. Салхи 28-29нд зарим газраар түр зуур ширүүснэ. 29-30-нд бага зэрэг сэрүүснэ. Бусад хугацаанд Хангайн уулархаг нутгаар шөнөдөө 6-11 градус өдөртөө 18-23 градус дулаан, Их нууруудын хотгор, Алтайн өвөр говиор шөнөдөө 15-20 градус өдөртөө 27-32 радус дулаан, бусад нутгаар шөнөдөө 11-16 градус өдөртөө 23-28 градус дулаан байна. 23-нд ихэнх нутгаар дулаарна.

Төвийн аймгуудын нутгаар : 27-28нд зарим газраар түр зуурын бороо, 29-1-нд ихэнх нутгаар бороо орно. Салхи зарим үед түр зуур ширүүснэ. 27-1-нд Хангай, Хөвсгөлийн уулархаг нутгаар шөнөдөө 3-8 градус өдөртөө 12-17 градус дулаан, бусад нутгаар шөнөдөө 8-13 градус өдөртөө 17-22 градус дулаан байна. Бусад хугацаанд Дархадын хотгор, Хөвсгөл, Хангайн уулархаг нутгаар шөнөдөө 7-12 градус өдөртөө 19-24 градус дулаан, бусад нутгаар шөнөдөө 12-17 градус өдөртөө 25-30 градус дулаан байна.

Зүүн аймгуудын нутгаар : 27-2-нд ихэнх нутгаар бороо орно. Дуу цахилгаантай. Салхи зарим газраар түр зуур ширүүснэ. Ихэнх хугацаанд уулархаг нутгаар шөнөдөө 5-10 градус өдөртөө 14-19 градус дулаан, бусад нутгаар шөнөдөө 9-14 градус өдөртөө 20-25 градус дулаан байна. Хугацааны эцсээр дулаарна.

Говийн аймгуудын нутгаар : 27-нд нутгийн зүүн хэсгээр, 29-30-нд зарим газраар түр зуурын бороо орно. Дуу цахилгаантай. Салхи зарим үед түр зуур ширүүснэ. 27,30-нд сэрүүснэ. Бусад хугацаанд нутгийн хойд хэсгээр шөнөдөө 10-15 градус өдөртөө 22-27 градус, бусад нутгаар шөнөдөө 13-18 градус өдөртөө 25-30 градус дулаан байна.

Нислэгийн цаг уурын синоптик инженерийн

давтан сургалт явагдлаа

 

     ЦУОШГ-ын 2016 оны сургалтын төлөвлөгөөнд тусгагдсаны дагуу нислэгийн цаг уурын синоптик инженерийн давтан сургалт 2016 оны 3 сарын 14-18-ны хооронд зохион байгуулагдлаа. Энэ удаагийн сургалтаар цаг уурын онолын болон практик мэдлэгээ дээшлүүлэх, мөн олон орны цаг уурын байгууллагад өргөн ашиглагдаж байгаа цаг агаарын тоон загварыг нислэгийн цаг уурын үйлчилгээнд ашиглах, нислэгт зориулсан зураг, мэдээг веб хандалтаар дамжуулах, ИНЕГазрын НААХЗГазрын байцаагчид нислэгийн аюулгүй ажиллагааны талаарх мэдээлэл, НЦУТөвийн болон орон нутаг инженерүүд харилцан туршлага солилцох зэрэг онол, практик хосолсон сургалт боллоо.

Энэ зун Монгол орон зохиогдох байгуулагдах АСЕМ-ийн чуулга уулзалтанд оролцох гадаадын төр засгийн  тэргүүн нарын онцгой үүргийг нислэг, мөн зуны аялал, жуулчны улиралтай холбоотой нислэгийн тоо нэмэгдэх зэрэг хүчин зүйлстэй холбоотой тухайн аймгийн газар нутгаар цаг агаарын тоон загварын үр дүнг нарийвчилж гаргахаар боллоо.

surgalt20160318

Сургалтанд нийт 15 аймгийн УЦОША-ны 18 синоптик инженер, НЦУТөвийн 11 ахлах синоптик инженерүүд хамрагдсан бөгөөд ЦУОШГазрын 2014 оны А/37 тушаалаар батлагдсан Нислэгийн цаг уурын мэргэшлийн үнэмлэх олгох журмын дагуу шалгалтанд хамрагдаж 3 жилийн хугацаатай мэргэшлийн үнэмлэх олголоо.

ЦУОШГазрын дарга Д.Цогт-Очир НЦУТөвд хүрэлцэн ирж сургалтанд хамрагдсан нийт синоптик инженер нарт хандан сургалтын хүрээнд олж авсан мэдлэг туршлагаар цаашдын ажил хөдөлмөрт амжилт гаргаж, цаг уурчдын нэр хүндийг өндөр өргөж явахыг хүсээд “Мэргэшлийн үнэмлэх”-ийг гардууллаа.

 

 

УЛАМ ХАЛУУН, ХУУРАЙ, ЧИЙГЛЭГ ИРЭЭДҮЙТЭЙ УЧИРНА

(Дэлхийн Цаг Уурын Байгууллагын Ерөнхий нарийн бичгийн дарга Петтери Тааласын 2016 оны Дэлхийн цаг уурын өдөрт зориулсан илгээлт)

Уур амьсгалын өөрчлөлт байгаль орчин, хүн төрөлхтний амьдрах орчинд нөлөөллөө үзүүлсээр байна. Хүлэмжийн хийн ялгаралт ихэсч, агаар мандлын доод давхаргын болон далайн усны температур нэмэгдсээр байна.

XX зууны эхэн үетэй харьцуулахад дэлхий маань 1 градусаар дулаарсан бөгөөд олон улсын хамтын нийгэмлэг энэ дулаарлыг зогсоох чиглэлээр дорвитой үйл ажиллагаа явуулах шаардлагатай болсныг тэмдэглэсэн байна.Улс орнуудын Засгийн газар өнгөрсөн жил “Парисийн тунхаглал”-ыг баталж, улмаар Дэлхийн дундаж температурын өсөлтийг аж үйлдвэржилтийн өмнөх үеийн түвшинтэй харьцуулахад 2 градусаас ихгүй түвшинд барих үүднээс 1.5 градусын хязгаарыг давуулахгүй байх талаар хүчин чармайлт гарган ажиллахаар тохиролцлоо.Энэ нь нилээн өндөр зорилт бөгөөд улс орнуудын өнөөгийн авч хэрэгжүүлж байгаа арга хэмжээ, үйл ажиллагаанаас үл хамааран дэлхийн дундаж температурын өсөлт 3 градуст хүрэхээр байгаа юм. Гэсэн хэдий ч хүн төрөлхтөнд энэ асуудлыг шийдвэрлэхэд шаардлагатай мэдлэг, оюун ухаан, техник технологи, арга зам байгаа болно.

Дэлгэрэнгүй...

Нэмэлт мэдээлэл